حكايات في الدنيا ،،، بقلم الشاعر / محمد بنداري

                 حكايات فى الدنيا كتيره
                   مليانه هم وحيره
             عن ست البيت المصرية
               لكل واحدة حكاية فيهم
             وعن الشقي المداري فيهم
           بيضحكو والضحكه مش خارجه
              والحزن ديما مالي عنيهم
                  بنبتدي وبقول سلام
            علي كل ام وكل عمه وكل خاله
             علي اللي تعبت واللي سهرت
                 واللي شالت من الهم ياما
        جوزوها صغيره عادات ولسه عايشه فينا
            وربنا كرمها بطفلها بس هد الحيل فيها
               رحله ومكتوبه وللشقي مطلوبه
          ومين يخفف عنها ومين يقول اﻻه بدالها
         وام العيال زي الجبال مدرسه ومفهاش اجازه
                  واللي جوزها منكد عليها
                ﻻ في شغل نافع وﻻ براضيها
                  واللي سبها واتجوز عليها
               واللي دمعتها منشفتيش من عنيها
              واللي واللي واللي شبعنا من الهم يلي
               سايب عيالك ومين يربيهم مكانك
                     كﻻمنا كتير عايز دواوين
                  ولله لو كملنا نعمل منه مواويل
                 وجارتي وجوزها والتﻻت عيال
             وشايله فوق طاقتها وحالها مش زي الحال
               لو الحظ مره يجي بيتها كان اتغير الحال
             اصلها طيبه وحنونه واللي في ايدها مش ليها
                      بس جوزها مش بيديها
                   مفلس طول السنه وبيضحك
                 ومش عارف بيضحك ليه
                   يمكن بيضحك من الزهق
                   وﻻ من حزن مداري فيه
                   ومين يا دنيا فيكي مرتاح
                    ومين ضحكته من قلبه
                     ومين الهم مش راكبه
              نفسي في يوم نصحي نقوم منزعليشي
                 يوم من غير نكد من غير عذاب
        اه يا دنيا فيكي الفقير بياكل الفول كانه كباب.
                 محمد بنداري